«Սի Էն Էն» – Ֆրանսիան մեղադրում է Իրանին սուպերմարկետների սառնարանների վրա կիբերհարձակման մեջ, որը մոտ 700 խանութներում սննդի փչացման պատճառ է դարձել
Ֆրանսիան մեղադրում է Իրանին սուպերմարկետների սառնարանների վրա կիբերհարձակման մեջ, որը մոտ 700 խանութներում սննդի փչացման պատճառ է դարձել, հաղորդում է «Սի Էն Էն»-ը։
«Սա աննախադեպ մասշտաբի և աննախադեպ ագրեսիվության հարձակում էր», – լրագրողներին ասել է Ֆրանսիայի արտաքին գործերի նախարար Ժան-Նոել Բարոն։
Նա ասել է, որ սա Ֆրանսիայի տարածքում իրականացված առաջին խոշոր կիբերհարձակումն է՝ դիվերսիոն նպատակներով։
«Սա լուրջ հարձակում է երկրի շահերի և Ֆրանսիայի քաղաքացիների անվտանգության դեմ», – ասել է Բարոն։
Նա ասել է, որ Ֆրանսիան Իրանի դեսպանին կանչել է Արտաքին գործերի նախարարություն և նախատեսում է պատասխան պատժամիջոցներ կիրառել «եվրոպական մակարդակով»։
Թեհրանը դեռևս չի մեկնաբանել Ֆրանսիայի մեղադրանքները։
Փարիզի դատախազությունը հետաքննություն է սկսել այս գործի վերաբերյալ։ Գերատեսչության տեղեկությամբ, դրա պատճառը պարսկերեն լեզվի և IP հասցեների օգտագործումն էր, որոնք մատնանշում էին Իրանում գտնվող սարքեր։ Հետաքննություն է ընթանում Շահիդ Քավեհի կիբերստորաբաժանման ղեկավարի, նրա երկու տեղակալների և այլ հնարավոր պատասխանատու անձանց դեմ: Ըստ լրատվամիջոցների հաղորդագրությունների՝ ստորաբաժանումը կապված է Իրանի Իսլամական հեղափոխության պահապանների կորպուսի հետ։
Նմանատիպ կիբերհարձակումներ իրականացվել են նաև այս ամսվա սկզբին Շվեդիայի, Բելգիայի և Իռլանդիայի սուպերմարկետների վրա, չնայած դեռևս հայտնի չէ, թե արդյոք այս դեպքերը կապված են Ֆրանսիայում տեղի ունեցած հարձակման հետ։