Ներքին գործերի նախարարության Մցխեթա-Մթիանեթիի ոստիկանության դեպարտամենտի, Մցխեթայի շրջանային վարչության Սագուրամոյի բաժնի աշխատակիցները, ձերբակալել են երեք անձի՝ 1979 թվականին ծնված Մ.Լ.-ին, 1995 թվականին ծնված Դ.Դ.-ին և 2001 թվականին ծնված Ն.Ն.-ին՝ մեծ քանակությամբ թմրանյութերի ապօրինի ձեռքբերման և պահպանման մեղադրանքով: Այս մասին տեղեկատվություն է տարածել Ներքին գործերի նախարարությունը:

Նախնական հաղորդագրության համաձայն՝ թմրահանցանքի մեղադրանքով ձերբակալվածների անձնական խուզարկության ժամանակ իրավապահ մարմինների աշխատակիցները որպես ապացույց առգրավել են «ՄԴՄԱ» թմրանյութ:

«Հանցագործությունը պատժվում է մինչև 20 տարի կամ ցմահ ազատազրկմամբ: Հետաքննությունը շարունակվում է Քրեական օրենսգրքի 260-րդ հոդվածի 3-րդ մասի «ա» ենթակետով», – ասվում է Ներքին գործերի նախարարության հայտարարության մեջ: