Ներքին գործերի նախարարության Թբիլիսիի ոստիկանության դեպարտամենտի աշխատակիցները, «թարմ հետքերով» իրականացված օպերատիվ միջոցառումների և քննչական գործողությունների արդյունքում, 2000 թ. ծնված Թ.Գ.-ին ձերբակալել են ընտանիքի անդամի նկատմամբ կանխամտածված սպանության մեղադրանքով։ Այս մասին տեղեկությունը տարածում է ՆԳՆ-ն։

Գերատեսչության տվյալներով՝ հանցագործությունը նախատեսում է մինչև 20 տարի կամ ցմահ ազատազրկում։

«Քննությամբ պարզվել է, որ մեղադրյալը ընթացիկ տարվա օգոստոսի 22-ին, Թբիլիսիում՝ բնակարանում, փոխադարձ վիճաբանության հիմքով կնոջը՝ 2003 թ. ծնված Լ.Գ.-ին, սառը զենքով մահացու վնասվածք է հասցրել։ Իրավապահները իրականացված քննչական գործողությունների արդյունքում մեղադրյալին ձերբակալել են «թարմ հետքերով»։ Ոստիկանությունը հանցագործության գործիքը՝ դանակը, առգրավել է որպես ապացույց։

Քննությունը շարունակվում է քրեական օրենսգրքի 109-րդ հոդվածի «կ» ենթակետով, ինչը նշանակում է ընտանիքի անդամի նկատմամբ ծանրացուցիչ հանգամանքներում կատարված կանխամտածված սպանություն», – ասված է ՆԳՆ-ի տարածած հաղորդագրությունում։