Ոստիկանությունը մեկ անձի է ձերբակալել Վաշլիջվարիում երկու մարդու վիրավորվելու գործով
Ներքին գործերի նախարարության Թբիլիսիի ոստիկանության վարչության Վակե-Սաբուրթալոյի գլխավոր բաժնի աշխատակիցները ձերբակալել են մեկ անձի՝ երկու անձի նկատմամբ դիտավորյալ ծանր մարմնական վնասվածք հասցնելու և զենքի ապօրինի ձեռքբերման, պահպանման և կրելու մեղադրանքով: Տեղեկատվությունը հրապարակում է Ներքին գործերի նախարարությունը։
«Քննությունը պարզել է, որ հուլիսի 4-ին Թբիլիսիի Վաշլիջվարիի մոտակայքում մի քանի անձանց միջև կենցաղային հողի վրա սկսված բանավեճը վերածվել է ֆիզիկական բախման, որի ընթացքում անձանցից մեկը կրակել և վիրավորել է երկու անձի։
Վիրավորները տեղափոխվել են հիվանդանոց: Նրանց կյանքին վտանգ չի սպառնում։
Իրավապահ մարմինների աշխատակիցների կողմից ձեռնարկված օպերատիվ միջոցառումների և քննչական գործողությունների արդյունքում հանցագործության կատարողը ձերբակալվել է դեպքից կարճ ժամանակ անց։
Քննությունը շարունակվում է Վրաստանի քրեական օրենսգրքի 117-րդ և 236-րդ հոդվածներով, որոնք նախատեսում են մինչև 13 տարի ազատազրկում», – ասվում է ՆԳՆ-ի հայտարարության մեջ։