Ոստիկանությունը Մառնեուլիում ձերբակալել է մեկ անձի՝ խարդախությամբ խոշոր գումար հափշտակելու մեղադրանքով
Ոստիկանությունը Մառնեուլիում ձերբակալել է մի անձի՝ խարդախությամբ խոշոր գումար հափշտակելու մեղադրանքով։
Նախաքննությամբ պարզվել է, որ մեղադրյալը Մառնեուլիի մունիցիպալիտետում գտնվող շինանյութերի խանութի սեփականատիրոջից ձեռք է բերել 45 870 վրացական լարի արժողությամբ շինանյութեր՝ պայմանով, որ դրանց դիմաց վճարումը կկատարվի ավելի ուշ։ Սակայն մեղադրյալը չի կատարել իր խոստումը և խարդախությամբ յուրացրել է շինանյութերը։
Իրավապահ մարմինների աշխատակիցները մեղադրյալին ձերբակալել են դատարանի որոշման հիման վրա։
Քննությունն ընթանում է Վրաստանի քրեական օրենսգրքի 180-րդ հոդվածի 3-րդ մասով, որը որպես պատիժ նախատեսում է մինչև ինը տարի ժամկետով ազատազրկում։