ՆԳ նախարարության Մցխեթա-Մթիանեթի ոստիկանության բաժնի ծառայողները բերման են ենթարկել 1985 թվականին ծնված Գ.Մ.-ին։ Նա ձերբակալվել է ծանրացուցիչ հանգամանքներում կատարված կանխամտածված սպանության փորձի մեղադրանքով։

Նախարարության տվյալներով՝ հանցագործությունը պատժվում է 11-ից 14 տարի ազատազրկմամբ։

«Քննությամբ պարզվել է, որ այս տարվա դեկտեմբերի 15-ին Ծերովանի գյուղում կենցաղային հողի վրա տեղի ունեցած կոնֆլիկտի հետևանքով Գ.Մ.-ն հրազենային վնասվածքներ է հասցրել հարևաններին՝ 1983 թվականին ծնված Ա. Մ.-ին, 1990 թվականին ծնված Գ. Մ.-ին, և 1964 թ. ծնված Զ.Մ.-ին։ Երեքն էլ տեղափոխվել են հիվանդանոց, որտեղ ստացել են համապատասխան բուժօգնություն։

Իրավապահների ձեռնարկած միջոցառումների արդյունքում հանցագործության զենքն առգրավվել է որպես ապացույց։

«Հետաքննությունը շարունակվում է Վրաստանի քրեական օրենսգրքի 109-րդ հոդվածի 1-ին մասի «Բ» ենթակետով»,- ասված է հաղորդագրությունում։