Վոլոդիմիր Զելենսկին ստորագրել է ԱՄՆ-ի հետ հանքարդյունաբերության մասին համաձայնագիրը
Ուկրաինայի նախագահ Վոլոդիմիր Զելենսկին ստորագրել է ԱՄՆ-ի հետ հանքանյութերի վերաբերյալ համաձայնագիրը։ Ինչպես հաղորդում են ուկրաինական լրատվամիջոցները, համապատասխան տեղեկատվությունը հրապարակվել է Գերագույն ռադայի պաշտոնական կայքում։ Այս քայլը նշանավորում է համաձայնագրի վավերացման պաշտոնական ընթացակարգի ավարտը։
Գերագույն ռադան մայիսի 8-ին վավերացրեց ԱՄՆ-ի հետ հանքային պաշարների վերաբերյալ համաձայնագիրը։
Ապրիլի 30-ին ԱՄՆ-ն և Ուկրաինան համաձայնագիր են ստորագրել օգտակար հանածոների համատեղ արդյունահանման և Ուկրաինայի վերակառուցման համար ներդրումային հիմնադրամ ստեղծելու մասին։ Հիմնադրամը կմոբիլիզացնի միջոցներ Ուկրաինայի շահագործվող բնական պաշարների, ենթակառուցվածքային օբյեկտների և այլ ակտիվների օգտագործումից ստացված եկամուտներից։ Բացի այդ, ԱՄՆ-ի կողմից Ուկրաինային տրամադրվող ռազմական օգնությունը, որը Վաշինգտոնը կտրամադրի փաստաթղթի ստորագրումից հետո, կհամարվի ներդրում հիմնադրամում։
Ուկրաինայի փոխվարչապետ և էկոնոմիկայի նախարար Յուլիա Սվիրիդենկոն, որը Վաշինգտոնում ստորագրել է համաձայնագիրը, հայտարարել է, որ ուկրաինա-ամերիկյան ներդրումային հիմնադրամը կգործարկվի համաձայնագրի վավերացումից հետո մի քանի շաբաթվա ընթացքում։