Վոլոդիմիր Զելենսկին հայտնում է, որ Դոնալդ Թրամփի հետ քննարկել է բանակցություններում Սի Ձինփինին ներգրավելու նպատակահարմարության հարցը. «Սի Ծինփինն ազդեցություն ունի Պուտինի վրա»
Ուկրաինայի նախագահ Վոլոդիմիր Զելենսկին հայտարարել է, որ ԱՄՆ նախագահ Դոնալդ Թրամփի հետ հանդիպման ընթացքում քննարկել է պատերազմի ավարտին ուղղված բանակցություններում Չինաստանի ղեկավար Սի Ձինփինին ներգրավելու նպատակահարմարության հարցը։
Ինչպես նշել է Զելենսկին, Դոնալդ Թրամփը ծրագրում է հանդիպել Չինաստանի ղեկավարի հետ։
«Ես բավականին անկեղծորեն ասացի նախագահին, որ, մեր կարծիքով, եթե նա ներգրավի նախագահ Սիին, ով ազդեցություն ունի Պուտինի վրա, և եթե մենք ցանկանում ենք ավարտել այս պատերազմը ոչ թե խոսքով, այլ գործով, ապա հանուն ժողովրդի՝ բոլորը պետք է շուրջօրյա աշխատեն այդ ուղղությամբ»,- ասել է Զելենսկին։
Հաղորդվում է, որ Չինաստանի ղեկավար Սի Ձինփինը սեպտեմբերի 23-ից 25-ը պետական այցով կմեկնի ԱՄՆ։ Սա կլինի Սի Ձինփինի առաջին այցը Միացյալ Նահանգներ ավելի քան մեկ տասնամյակի ընթացքում։