Վոլոդիմիր Զելենսկին ասում է, որ Ուկրաինայի քաղաքացին պետք է լիովին պատասխանատվություն կրի Լեհաստանում վանքի վրա հարձակման համար՝ համաձայն օրենքի
Ուկրաինայի նախագահ Վոլոդիմիր Զելենսկին արձագանքել է Լեհաստանի վանքերից մեկում տեղի ունեցած սպանությանը։
Ըստ նրա՝ Ուկրաինայի քաղաքացին կատարել է սարսափելի հանցագործություն է և պետք է կրի ողջ պատասխանատվությունը՝ համաձայն գործող օրենսդրության։
«Մենք ցնցված ենք այս վայրագությունից։ Ըստ առկա տեղեկությունների՝ սպանվել է կաթոլիկ քահանա, իսկ մի քանի մարդ վիրավորվել է», – գրել է Զելենսկին։
Ուկրաինայի նախագահը նաև նշել է, որ հավատում է միջադեպի բոլոր հանգամանքների մանրակրկիտ հետաքննությանը։
«Մենք մեր խորին ցավակցությունն ենք հայտնում մահացածի ընտանիքին և նրա հարազատներին։ Մաղթում ենք բոլոր տուժածներին արագ ապաքինում», – ասել է Զելենսկին։
Տեղեկատվության համար՝ սեպտեմբերի 24-ին Լեհաստանի մի վանքում ուկրաինացի տղամարդ դանակով հարձակվել է հոգևորականների վրա՝ սպանելով նրանցից մեկին։ Դեպքը տեղի է ունեցել Յարոսլավլի Բենեդիկտյան միանձնուհիների աբբայությունում։