Ուկրաինայի նախագահ Վոլոդիմիր Զելենսկին հայտարարել է, որ Ռուսաստանը Կիևի մարզի Բիլա Ցերկվա քաղաքի վրա «Օրեշնիկ» հրթիռ է արձակել: Ըստ որոշ տեղեկությունների, հրթիռն արձակվել է Կապուստին Յար փորձադաշտից:

Ուկրաինայի նախագահը հայտարարել է, որ Ռուսաստանը մայրաքաղաք Կիևը և Կիևի մարզը ռմբակոծելու համար օգտագործել է 90 հրթիռ, այդ թվում՝ 36 բալիստիկ հրթիռ: Զելենսկին պնդել է, որ հարձակման ժամանակ օգտագործվել է նաև 600 անօդաչու թռչող սարք: Հարձակման հետևանքով վիրավորվել է առնվազն 83 մարդ:

Ըստ ուկրաինական լրատվամիջոցների՝ երեք հրթիռ հարվածել է ջրամատակարարման կայանին, շուկայում հրդեհ է բռնկվել, վնասվել են տասնյակ բնակելի շենքեր և մի քանի դպրոցներ: Մոտակա պայթյուններից թեթևակի վնասվել է Ուկրաինայի արտաքին գործերի նախարարության շենքը: