Ուկրաինայի նախագահ Վոլոդիմիր Զելենսկին հայտարարել է, որ այս տարի Բեռլինում և Կոպենհագենում կբացվեն զենքի արտահանման գրասենյակներ։

«Մենք բացում ենք երկու արտահանման կենտրոն։ Սա վերաբերում է այն զենքերին, որոնք մենք համատեղ արտադրում ենք այլ երկրների հետ։ Սրանք այն զենքերն են, որոնք մենք կարող ենք վաճառել և դրանցից ստացված եկամուտն օգտագործել մեր պակասորդ ունեցող ռազմական տեխնիկայի ներքին արտադրությունը ֆինանսավորելու համար։ Առաջին երկու քաղաքները, որտեղ կբացվեն մեր առևտրային գրասենյակները, Բեռլինն ու Կոպենհագենն են։ Այս ամենը կիրականացվի այս տարի», – լրագրողներին ասել է Վոլոդիմիր Զելենսկին։

Ուկրաինայի նախագահը նշել է, որ իր խորհրդական Ալեքսանդր Կամիշինը կքննարկի ԵՄ երկրների հետ պայմանագրերը։

Բացի այդ, ըստ Զելենսկու, աշխատանքներ են տարվում Միացյալ Նահանգների հետ զուգահեռ։ Ըստ Զելենսկու, ամերիկյան խումբը հաջորդ շաբաթ կժամանի Ուկրաինա։