Ուկրաինացի զինվորականների և դրոշի հետ միասին խաղաղությունը կհաստատվի ապաօկուպացված տարածքներում, և կյանքի բնականոն ռիթմը կվերադառնա,- իր ամենօրյա ուղերձում ասել է Ուկրաինայի նախագահ Վոլոդիմիր Զելենսկին։

«Շատ կարևոր է, որ մեր զինվորականների ու դրոշի հետ միասին կյանքի բնականոն ռիթմը վերադառնա ազատագրված շրջաններ։ Կենսաթոշակներն արդեն սկսել են բաշխվել՝ միանգամից հինգ ամսվանը, այդ ժամանակաշրջանում չէինք կարող դա անել բռնազավթման պատճառով: Բոլոր կենսաթոշակառուները, ովքեր ապրում են ազատված մարզերում, կստանան կենսաթոշակ: Ուկրաինան միշտ կատարում է իր սոցիալական պատասխանատվությունը»,- ասել է Զելենսկին։

Ուկրաինայի նախագահի խոսքով՝ Ուկրաինայի անվտանգության երաշխիքների շուրջ բանակցություններն ակտիվորեն ընթանում են։

«Մենք աշխատում ենք, որպեսզի մեր երկրի անվտանգության երաշխավորները լինեն ազատ աշխարհի ուժեղ սուբյեկտները, որպեսզի բազմակողմ և երկկողմ մակարդակով որոշենք, թե ով, ինչպես և երբ պետք է արձագանքել Ուկրաինայի անվտանգությանը վտանգի ենթարկվելու դեպքում, արձագանքել պատժամիջոցներով և զենքի տրամադրմամբ»,- ասել է Զելենսկին։