Ըստ Ուկրաինայի նախագահ Վոլոդիմիր Զելենսկիի՝ Ժնևում գտնվող խմբերը հանդիպումներ են անցկացնում։ Վոլոդիմիր Զելենսկին այս մասին գրել է սոցիալական ցանցերում։

«Ներկայումս պատերազմի ավարտի քայլերի վրա աշխատող թիմերը հանդիպումներ են անցկացնում Շվեյցարիայում։ Լավ է, որ դիվանագիտությունը վերսկսվել է, և զրույցը կարող է կառուցողական լինել։ Ուկրաինական և ամերիկյան թիմերը, ինչպես նաև մեր եվրոպացի գործընկերների թիմերը սերտ կապի մեջ են, և ես հույս ունեմ, որ արդյունքներ կլինեն։ Արյունահեղությունը պետք է դադարեցվի, և մենք պետք է ապահովենք, որ պատերազմը երբեք չվերսկսվի։ Ես անհամբեր սպասում եմ այսօրվա բանակցությունների արդյունքներին և հուսով եմ, որ բոլոր մասնակիցները կառուցողական կլինեն։ Մեզ բոլորիս անհրաժեշտ է դրական արդյունք», – գրել է Զելենսկին սոցիալական ցանցերում։