Հիմա ժամանակն է առաջ շարժվելու։ Մոլդովային, Ուկրաինային և Արևմտյան Բալկաններին Եվրամիությանը անդամակցության ճանապարհին աջակցությունը չափազանց կարևոր է,- այս մասին ասել է Ուկրաինայի նախագահ Վոլոդիմիր Զելենսկին Կոպենհագենում Եվրոպական քաղաքական միության գագաթնաժողովի բացման իր ելույթում։

Նա ասել է, որ անհրաժեշտ է իրական առաջընթաց։

«Ես կցանկանայի շնորհավորել Մայա Սանդուին Մոլդովայի խորհրդարանական ընտրություններում տարած հաղթանակի կապակցությամբ։ Սրանք շատ կարևոր ընտրություններ էին։ Եվրոպան հաղթեց, Մոլդովան հաղթեց, և շնորհակալություն բոլոր նրանց, ովքեր նպաստեցին արդար ընտրությունների ապահովմանը։ Հիմա ժամանակն է առաջ շարժվելու։ Մոլդովային, Ուկրաինային և Արևմտյան Բալկաններին Եվրամիությանը անդամակցության ճանապարհին աջակցությունը չափազանց կարևոր է։ Մեզ անհրաժեշտ է իրական առաջընթաց։ Ուկրաինան ավարտել է սկրինինգի գործընթացը, և մենք պատրաստ ենք բացել առաջին կլաստերը։ Սա պետք է տեղի ունենա համաձայնեցվածի համաձայն։ Սա իսկապես կամրապնդի ընդհանուր իրավիճակը», – ասել է Զելենսկին։