Գրեթե ամեն օր և ամեն գիշեր մեր արտակարգ ծառայությունները զբաղվում են Ուկրաինայի խաղաղ քաղաքների վրա Ռուսաստանի հարձակման հետևանքներով,- այս մասին գրել է Ուկրաինայի նախագահը սոցիալական ցանցում։

Վոլոդիմիր Զելենսկիի խոսքով՝ միայն այս շաբաթ Ռուսաստանը Ուկրաինայի դեմ օգտագործել է ավելի քան 1600 անօդաչու թռչող սարք, մինչև 1200 կառավարվող ավիառումբ և գրեթե 70 տարբեր տեսակի հրթիռ։

«Հարվածների հիմնական թիրախը առօրյա կյանքն ապահովող ենթակառուցվածքներն են։ Այսօր ևս մեկ հարձակում է իրականացվել ավելի քան 240 անօդաչու թռչող սարքով և հինգ բալիստիկ հրթիռներով, որոնք վնաս են հասցրել յոթ շրջանների։ Ցավոք, մարդիկ են զոհվել Սլավյանսկում և Չեռնիգովում», – գրել է Վոլոդիմիր Զելենսկին՝ ցավակցություն հայտնելով զոհերի ընտանիքներին։

Բացի այդ, Ուկրաինայի նախագահը նշել է, որ գործընկերների հետ աշխատանքը շարունակվում է՝ ապահովելու համար, որ Ուկրաինայի պաշտպանությունը ամրապնդվի այս հարձակումներին ի պատասխան։

Վոլոդիմիր Զելենսկին երկրի համար առաջնահերթություններ է նշել ավելի շատ հակաօդային պաշտպանության համակարգեր և հրթիռներ, ինչպես նաև Ուկրաինայի պաշտպաններին ավելի շատ աջակցություն ցուցաբերելը։

Զելենսկին շնորհակալություն հայտնեց բոլոր նրանց, ովքեր աշխատում են Ուկրաինային աջակցելու համար և նշել, որ «բոլոր համաձայնագրերը պետք է ավելի արագ իրականացվեն»։