Ուրսուլա ֆոն դեր Լեյեն. Ռուս զինվորականները չիպեր են հեռացնում աման լվացող մեքենաներից՝ ռազմական տեխնիկան վերանորոգելու համար
Ռուս զինվորականները չիպեր են հեռացնում աման լվացող մեքենաներից՝ սարքավորումները վերանորոգելու համար, հայտարարել է Եվրահանձնաժողովի նախագահ Ուրսուլա ֆոն դեր Լեյենը՝ Եվրախորհրդարանում իր ելույթի ժամանակ։
Եվրամիության գործադիր մարմնի ղեկավարը նշել է, որ Եվրամիությունը կշարունակի աջակցել Ուկրաինային և ուժեղացնել Ռուսաստանի դեմ պատժամիջոցները, որն արդեն հսկայական կորուստներ է պատճառել Մոսկվային։
Ուրսուլա ֆոն դեր Լեյենի խոսքով՝ Ռուսաստանի ֆինանսական հատվածը զգալի խնդիրներ ունի, և բանկային հատվածի երեք քառորդը կտրված է ֆինանսական շուկաներից։
«Եվրոպայի համերաշխությունն Ուկրաինայի հետ կմնա անփոփոխ։ Եվրոպան զենքի, փողի, փախստականների օգնության և աշխարհի ամենամեծ պատժամիջոցներով անցել է Ուկրաինայի կողքին: Գրեթե 1000 միջազգային ընկերություններ լքել են Ռուսաստանը, իսկ ավտոմեքենաների արտադրությունը նվազել է 75 տոկոսով։ «Աերոֆլոտ»-ի ինքնաթիռները ցամաքում են, քանի որ պահեստամասեր չկան: Ռուս զինվորականներն այժմ չիպսեր են վերցնում աման լվացող մեքենաներից և սառնարաններից՝ զինտեխնիկա վերանորոգելու համար, քանի որ դրանք իրենք չեն պատրաստում: Կրեմլն էր, որ տնտեսությունը կանգնեցրեց կործանման ճանապարհին։ Մենք պետք է հաստատակամ լինենք և չենք փորձի բավարարել որևէ մեկին»,- ասել է Եվրահանձնաժողովի նախագահը։