«Ունիան» – Մարիուպոլում ռուս օկուպանտները հայտարարեցին հանձնվելու համար միջանցք տրամադրելու մասին, սակայն ուկրաինացի զինվորականները շարունակում են պաշտպանել քաղաքը

Մարիուպոլում ռուս օկուպանտները հայտարարել են «հանձնվելու համար միջանցք տրամադրելու մասին», սակայն ուկրաինացի զինվորականները շարունակում են պաշտպանել քաղաքը, գրում է «Ունիանը»՝ վկայակոչելով Մարիուպոլի վարչակազմի ղեկավարի խորհրդական Պետր Անդրիուշենկոյին։

Ըստ լրատվամիջոցի՝ Պետր Անդրիուշենկոն «Telegram»-ում գրել է, որ օկուպանտների փորձերը, իբր ռազմական գործողությունների վայրը սահմանափակվում է Ազովստալ մետալուրգիական գործարանով, չեն համապատասխանում իրականությանը։

«Մարտերի ընթացքում օկուպանտները շարունակել են ծանր հրետանի կիրառել բնակելի տների ուղղությամբ»,- ասել է Անդրիուշենկոն՝ հավելելով, որ քաղաքը դեռ վտանգավոր է խաղաղ բնակչության համար։

Լրատվամիջոցները նաև մեջբերել են Պետր Անդրիուշենկոյի խոսքերը, որ Ուկրաինայի այլ շրջաններից Մարիուպոլ հումանիտար օգնությունն արգելափակվել է օկուպանտների կողմից, և որ «մարդասիրական օգնությունը» տրամադրվել է միայն ռուսական իշխող «Եդիննայա  Ռոսիյա» կուսակցության կենտրոնակայանում։

Անդրիուշենկոյի խոսքով՝ ռուս օկուպանտները ստիպել են Մարիուպոլի բնակիչներին տեղափոխվել քաղաք և փողոցում մնալու թույլտվություն ստանալ։

«Հարյուրավոր քաղաքացիներ ստիպված են հերթ կանգնել թույլտվություն ստանալու համար, առանց որի հաջորդ շաբաթ անհնար կլինի ոչ միայն տեղաշարժվել քաղաքային թաղամասերում, այլև լինել փողոցներում»,- գրել է Անդրիուշենկոն։

«Unian»-ի փոխանցմամբ՝ Անդրիուշենկոն նաև նշել է, որ այդ միջոցների ընդունումը կարող է նախորդել քաղաքացիների ապագա անձնագրավորմանը։

Տեղեկություններ կան, որ դա արվում է ոչ միայն զտիչ միջոցառումների, այլ նաև քաղաքում փրկվածների անձնագիրը պատրաստելու համար»,- ասել է Պետր Անդրիուշենկոն։