Ուկրաինայի զինված ուժեր. Դոնեցկի մարզի Պոկրովսկ քաղաքում շարունակվում են քաղաքային մարտերը՝ ռուսների խմբերի հետ, որոնք կարողացել են ներթափանցել քաղաքի տարբեր մասեր
Դոնեցկի մարզի Պոկրովսկ քաղաքում շարունակվում են քաղաքային մարտերը՝ ռուսների խմբերի հետ, որոնք ուժերի և ռեսուրսների թվային գերազանցության շնորհիվ կարողացել են ներթափանցել քաղաքի տարբեր մասեր,- այս մասին հայտնում են ուկրաինական լրատվամիջոցները՝ հղում անելով Ուկրաինայի զինված ուժերի օդադեսանտային գրոհային զորքերի (ՕԴԳԶ) 7-րդ արագ արձագանքման կորպուսին։
Ըստ հաղորդագրությունների, քաղաքի պաշտպանության համար մղվող մարտերում Ուկրաինայի դիրքերը վերջերս ամրապնդվել են նոր ստորաբաժանումներով։ Մասնավորապես՝ գրոհային զորքեր, հրետանի, անօդաչու թռչող սարքերի անձնակազմեր և պաշտպանական ուժերի այլ բաղադրիչներ։
Ռազմական աղբյուրների տվյալներով՝ քաղաք մտնող ռուսական զորքերը չեն փորձում ամրապնդել իրենց դիրքերը, այլ պլանավորում են առաջխաղացում դեպի հյուսիս՝ դրանով իսկ խաթարելով Ուկրաինայի պաշտպանական ուժերի աշխատանքը և փակելով քաղաքի ցամաքային լոգիստիկ միջանցքները։
Կան նաև տեղեկություններ, որ ռուսական զորքերը հնարավորություն ունեն հետևելու Պոկրովսկում և Միրնոգրադում տեղաշարժերին: Միաժամանակ, Դոնեցկի անջատողական ռեժիմի ներկայացուցիչները հայտարարում են, որ ռուսական զորքերն արդեն իսկ վերահսկում են քաղաքի մեծ մասը: