Ուկրաինայի նախագահի խոսքով՝ Հաղթանակի օրը երկրում նշվում է մայիսի 8-ին
Ուկրաինայի նախագահի խոսքով՝ Հաղթանակի օրը երկրում նշվում է մայիսի 8-ին, ինչպես Եվրոպայում։
Վլադիմիր Զելենսկու խոսքով՝ ինքը արդեն դիմել է Գերագույն Ռադա և պաշտոնապես խնդրել մայիսի 8-ը հռչակել հիշատակի և հաղթանակի օր, իսկ մայիսի 9-ը՝ Եվրոպայի օր։
Ինչպես ասաց Ուկրաինայի նախագահը, «հին չարիքը» վերադարձել է, և այս անգամ այն սանձազերծում է Ռուսաստանը, որն ունի նույն նպատակը, ինչ նացիստները՝ նվաճել և ոչնչացնել։ Զելենսկու խոսքով՝ դա նրանց չի հաջողվել։
«Մենք վերադարձնում ենք մեր պետության արդար պատմությունը՝ առանց գաղափարական ազդեցությունների։ Հենց մայիսի 8-ին է աշխարհի մարդկանց մեծ մասը հիշում ֆաշիստների դեմ տարած հաղթանակի փառքը։ Այսօր ես ստորագրեցի համապատասխան հրամանագիրը, և ամեն տարի, վաղվանից սկսած՝ մայիսի 9-ին, մենք տոնելու ենք մեր պատմական միասնությունը՝ բոլոր եվրոպացիների միասնությունը, ովքեր ոչնչացրին ֆաշիզմը և կհաղթեն «ռասիզմին», – ասել է Զելենսկին։
Բացի այդ, ինչպես ասել է Ուկրաինայի իշխող խմբակցության ղեկավար Դավիթ Արախամիան, Ուկրաինայի Գերագույն Ռադան օրենքի նախագիծը կընդունի արագացված կարգով։
Տեղեկության համար՝ մայիսի 8-ին արեւմտյան երկրները նշում են ֆաշիստական Գերմանիայի դեմ տարած հաղթանակը։ Գերմանիայի կապիտուլյացիան ուժի մեջ է մտել 1945 թվականի մայիսի 8-ին, ժամը 23:01-ին, այդ ժամանակ Մոսկվայում արդեն մայիսի 9-ն էր։