Ուկրաինայի իշխանությունների տվյալներով՝ Ռուսաստանը կրակ է բացել Զապոռոժյեի ատոմակայանի վրա
Ուկրաինայի իշխանությունների տվյալներով՝ Ռուսաստանը կրակ է բացել Զապոռոժյեի ատոմակայանի վրա։ Էներգոդարի քաղաքապետ Դմիտրի Օռլովը քաղաքացիներին կոչ է անում դուրս չգալ փողոց։ Ուկրաինայի ռազմական հետախուզությունը հայտնում է, որ ռուսները Վոդյանոե գյուղից գնդակոծում են միջուկային օբյեկտը։ Նրանց տվյալներով՝ արդյունքում վնասվել է կայանի ստորգետնյա հաղորդակցությունը և հրշեջ բաժինը։
Միաժամանակ Դնեպրոպետրովսկի շրջանի վարչակազմը տեղեկություն է տարածում, որ ռուսական բանակը ռմբակոծել է Նիկոպոլ քաղաքը։ Քաղաքում վնասվել են բազմահարկ և մասնավոր առանձնատներ: Մանկապարտեզը նույնպես։ Խափանվել են գազատարն ու էլեկտրահաղորդման գիծը։ Քաղաքացիները չեն տուժել:
Միաժամանակ ռազմական գործողությունները շարունակվում են Դոնբասում եւ Խերսոնի շրջանում։