Ուկրաինայի գլխավոր շտաբի տվյալներով՝ ուկրաինացի զինվորականները Խարկովի մարզում երեք օրվա ընթացքում առաջ են շարժվել 50 կիլոմետր
Ուկրաինայի գլխավոր շտաբի տվյալներով՝ ուկրաինացի զինվորականները Խարկովի մարզում երեք օրվա ընթացքում առաջ են շարժվել 50 կիլոմետր։ Այս մասին ասվում է առաջնագծում տիրող իրավիճակի մասին Ուկրաինայի զինված ուժերի տարածած տեղեկատվության մեջ։
Հայտարարության մեջ նշվում է, որ վերջին 24 ժամում Ռուսաստանի Դաշնությունը 45 օդային և հինգ հրթիռային հարված է հասցրել Ուկրաինայի տարածքում։ Խարկովում երկու մարդ է մահացել, հինգը՝ վիրավորվել:
Ուկրաինայի գլխավոր շտաբի տվյալներով՝ Սեւերսկի ուղղությամբ ռուսական բանակի կողմից կրակի ինտենսիվությունը զգալիորեն նվազել է, իսկ մյուս ուղղություններով ռուսական բանակը շարունակել է կրակել ռազմական և քաղաքացիական օբյեկտների ուղղությամբ։
Գլխավոր շտաբի տվյալներով՝ ուկրաինացի զինվորականներն ուժեղացնում են դիրքերը և ապահովում են, որ հակառակորդը առաջխաղացում չունենա։