Ուկրաինան չի զիջի իր տարածքներն արևելքում՝ պատերազմը դադարեցնելու համար, ուկրաինացի զինվորականները պատրաստ են կռվել Դոնբասի համար. Վոլոդիմիր Զելենսկի
Ուկրաինան չի զիջի իր տարածքներն արևելքում՝ պատերազմը դադարեցնելու համար, ուկրաինացի զինվորականները պատրաստ են կռվել Դոնբասի համար,- սա Ուկրաինայի նախագահ Վոլոդիմիր Զելենսկու հայտարարությունն է, որը նա արել է «Սի Էն Էն» հեռուստատեսության եթերում։
Զելենսկին ասել է, որ Ուկրաինան երաշխիքներ չունի, որ եթե Ռուսաստանին հաջողվի գրավել Դոնբասը, նա դեռ չի փորձի հարձակվել Կիևի վրա։
«Դրա համար մեզ համար շատ կարևոր է դա թույլ չտալ։ Եկեք տեր կանգնենք, քանի որ այս կռիվը կարող է ազդեցություն ունենալ ողջ պատերազմի վրա։ Ուստի մենք հասկանում ենք, որ այն փաստը, որ նրանք դուրս են եկել Կիևից, Չերնիգովից և այլ քաղաքներից, չի նշանակում, որ նրանք կրկին չեն հարձակվի Կիևի վրա, եթե հաջողվի գրավել Դոնբասը», – ասել է Զելենսկին։
Լրագրողի այն հարցին, թե արդյոք Ուկրաինան կհաղթի, Զելենսկին պատասխանել է. «Այո, իհարկե, նա կհաղթի»: