Ուկրաինական լրատվամիջոցներ - Կոռուպցիայի դեմ պայքարի բյուրոն լայնածավալ խուզարկություններ է անցկացնում էներգետիկայի ոլորտում կոռուպցիայի հետ կապված, քննիչները նաև այցելել են Զելենսկու մտերիմ գործարարի տուն
Ազգային հակակոռուպցիոն բյուրոյի ներկայացուցիչները քննչական գործողություններ են անցկացնում էներգետիկայի նախկին և ներկայիս նախարար Գերման Գալուշենկոյի տանը, ինչպես նաև «Էներգոատոմ»-ում։
Այս մասին հայտնել են ուկրաինական լրատվամիջոցները՝ հղում անելով Ազգային հակակոռուպցիոն ծառայության մամուլի ծառայությանը։
«15 ամսվա աշխատանք և 1000 ժամ ձայնագրություններ։ Փաստաթղթավորվել է բարձր մակարդակի հանցավոր կազմակերպություն», – ասվում է հայտարարության մեջ։
Քննչական գերատեսչության տվյալներով՝ քննության ընթացքում բացահայտվել է ռազմավարական պետական ձեռնարկությունում՝ «Էներգոատոմ»-ում գործող խոշոր կոռուպցիոն սխեմա։
Ավելի վաղ նաև հաղորդվել էր, որ Ուկրաինայի հակակոռուպցիոն մարմինների աշխատակիցները խուզարկություն են անցկացնում Ուկրաինայի նախագահի մտերիմ դաշնակից Տիմուր Մինդիչի տանը։ Մինդիչը գործարար է և «Քվարտալ 95» ստուդիայի սեփականատերերից մեկը։
Ուկրաինական լրատվամիջոցները հայտնել են, որ Մինդիչը լքել է Ուկրաինան քննիչների իր տուն ժամանելուց մի քանի ժամ առաջ։
