Ուկրաինան 2025 թվականին զենքի և ռազմական տեխնիկայի արտադրության համար կհատկացնի ռեկորդային գումար՝ 55 միլիարդ գրիվնա
Ուկրաինան 2025 թվականին սպառազինության և ռազմական տեխնիկայի արտադրության համար կհատկացնի ռեկորդային գումար՝ 55 միլիարդ գրիվնա,- հայտարարել է Ուկրաինայի ռազմավարական արդյունաբերության նախարար Գերման Սմետանինը։
Ինչպես նշվում է հայտարարության մեջ, ընդհանուր գումարից 54,55 մլրդ գրիվնան կուղղվի արտադրության զարգացմանը, նոր տեխնոլոգիաների ներդրմանը և պաշտպանական ձեռնարկությունների կարողությունների ավելացմանը։ Սա 3,5 միլիարդ գրիվնայով ավելի է 2024 թվականի բյուջեից, որը կազմում էր մոտ 51 միլիարդ գրիվնա։
Բացի այդ, կառավարությունը 500 մլն գրիվնա կհատկացնի պաշտպանական ձեռնարկություններին մատչելի վարկերի ծրագրին աջակցելու համար։ Այս ծրագիրը թույլ է տալիս արտադրողներին վարկեր ստանալ տարեկան 5% տոկոսադրույքով, իսկ մնացած տոկոսադրույքը փոխհատուցվում է պետության կողմից։