Վլադիմիր Զելենսկու և Իլհամ Ալիևի միջև հեռախոսազրույց է կայացել
Ուկրաինայի նախագահ Վլադիմիր Զելենսկու և Ադրբեջանի Հանրապետության նախագահ Իլհամ Ալիևի միջև տեղի է ունեցել հեռախոսազրույց։ Ադրբեջանական մամուլի հաղորդմամբ՝ Վլադիմիր Զելենսկին իր ցավակցությունն է հայտնել ադրբեջանցի գործընկերոջը՝ Ռուսաստանի Եկատերինբուրգ քաղաքում ադրբեջանցիների վրա հարձակման հետևանքով երկու մարդու մահվան կապակցությամբ։
Վլադիմիր Զելենսկին նաև շնորհակալություն է հայտնել Իլհամ Ալիևին՝ Իրանից Ուկրաինայի քաղաքացիների տարհանման գործում Ադրբեջանի աջակցության համար։
Հեռախոսազրույցի ընթացքում կարծիքներ են փոխանակվել երկկողմ հարաբերությունների հեռանկարների շուրջ, և ձեռք է բերվել համաձայնություն կառավարությունների միջև հանձնաժողովի նիստի հնարավորինս շուտ Բաքվում անցկացնելու վերաբերյալ։
Երկկողմ աջակցություն է արտահայտվել Ադրբեջանի և Ուկրաինայի տարածքային ամբողջականության և ինքնիշխանության նկատմամբ։
Ուկրաինայի նախագահը կրկին շնորհակալություն է հայտնել Ադրբեջանին իր երկրին ցուցաբերած հումանիտար օգնության համար։