Միգրացիայի վարչությունը Վրաստանից արտաքսել է 91 օտարերկրյա քաղաքացու
Ներքին գործերի նախարարության միգրացիայի վարչության աշխատակիցները, նախարարության համապատասխան ստորաբաժանումների հետ համակարգված աշխատանքով, վերջին օրերին Վրաստանից արտաքսել են 91 օտարերկրյա քաղաքացու։
Միգրացիայի վարչության կողմից ձեռնարկված համալիր միջոցառումների արդյունքում երկրից արտաքսվել է ՝ Թուրքիայի, Թուրքմենստանի, Ուզբեկստանի, Ադրբեջանի, Ռուսաստանի, Պակիստանի, Հորդանանի, Հայաստանի, Թաիլանդի, Տաջիկստանի, Եգիպտոսի, Հնդկաստանի, Կոնգոյի, Նիգերիայի, Սուդանի, Ուգանդայի, Ֆիլիպինների, Չինաստանի, Իրաքի և այլ պետությունների ընդհանուր առմամբ 91 քաղաքացի։
Ըստ գործող օրենսդրության՝ արտաքսված անձանց արգելվել է մուտք գործել երկիր։
Ներքին գործերի նախարարության տեղեկությամբ, այս տարի միգրացիայի վարչության աշխատակիցների կողմից երկրից արտաքսվել է ավելի քան 3700 մարդ։