Ուկրաինայի նախագահ Վոլոդիմիր Զելենսկիի խոսքով՝ Ռուսաստանը հարձակվել է Ուկրաինայի վրա 500 անօդաչու թռչող սարքերով և ավելի քան 40 հրթիռներով։

Ըստ Ուկրաինայի նախագահի՝ ռուսական լայնածավալ հարձակումը տևել է գրեթե 12 ժամ։ Զելենսկիի խոսքով՝ ուկրաինական հարձակման հիմնական թիրախներն էին Կիևը և Կիևի մարզը, Զապորոժիեն, Խմելնիցկին, Սումին և Օդեսայի մարզերը։ Այս փուլում Կիևում զոհվել է չորս մարդ, վիրավորվել է 40 քաղաքացի, այդ թվում՝ անչափահասներ։

«Ռուսական հարձակման թիրախներն էին հացի գործարանը, անվադողերի գործարանը, մասնավոր և բազմահարկ շենքերը, ինչպես նաև քաղաքացիական ենթակառուցվածքները», – ասել է Զելենսկին։ Նրա խոսքով՝ այս հարձակումը նշանակում է, որ Ռուսաստանը ցանկանում է շարունակել պատերազմը, և Մոսկվան արժանի է աշխարհի կոշտ արձագանքին։

«Կրեմլը գոհ է այս պատերազմն ու ահաբեկչությունը շարունակելով այնքան ժամանակ, քանի դեռ ունի համապատասխան միջոցներ էներգետիկայից և քանի դեռ գործում է այսպես կոչված ստվերային նավատորմը։ Մենք կշարունակենք հակահարված տալ ապագայում՝ Ռուսաստանին զրկելով եկամուտ ստանալու և դիվանագիտություն պարտադրելու այս հնարավորությունից։ Բոլոր նրանք, ովքեր ցանկանում են խաղաղություն, պետք է աջակցեն նախագահ Թրամփի ջանքերին և դադարեցնեն ռուսական բոլոր ներմուծումները», – ասաց Զելենսկին։