Ուկրաինայի նախագահ Վլադիմիր Զելենսկին հայտարարում է, որ երկրին ՆԱՏՕ-ի դաշնակիցներից անհրաժեշտ է հավելյալ 14.5 միլիարդ դոլար՝ ամերիկյան պաշտպանական սպառազինություն ձեռք բերելու համար՝ ռուսական օդային հարձակումները հետ մղելու նպատակով:
Միևնույն ժամանակ, Զելենսկին շնորհակալություն է հայտնում այն երկրներին, որոնք այս տարի արդեն 584 միլիոն դոլար են ներդրել Ուկրաինայի առաջնահերթ կարիքների ցանկում (PURL), սակայն, նրա խոսքով, ռուսական հարձակումների ֆոնին դա բավարար չէ:
«Ուկրաինայի առաջնահերթ կարիքների ցանկի ընդհանուր պահանջը 2026 թվականին կազմում է 15 միլիարդ դոլար: Դա մեզ կօգնի Ռուսաստանին զրկել օդային տեռորի հնարավորությունից: Կոչ եմ անում բոլորին, ովքեր հետաքրքրված են անվտանգությամբ, միանալ և ավելացնել իրենց ավանդը Ուկրաինայի առաջնահերթ կարիքների ցանկում», – նշում է Զելենսկին:
