Վլադիմիր Զելենսկին ասում է, որ Թուրքիան պատրաստ է հյուրընկալել եռակողմ խաղաղության բանակցությունների հաջորդ փուլը։

Ուկրաինայի նախագահը հայտարարությունն արել է իր թուրք գործընկեր Ռեջեփ Թայիփ Էրդողանի հետ հեռախոսազրույցից հետո։

«Նախագահ Էրդողանը նշել է, որ Թուրքիան պատրաստ է հյուրընկալել եռակողմ ձևաչափով բանակցությունների հաջորդ փուլը։ Մենք գնահատում ենք այս նախաձեռնությունը և հույս ունենք, որ այն արդյունքներ կտա։ Ես շնորհակալություն եմ հայտնում նախագահ Էրդողանին Ուկրաինայի ինքնիշխանությանը և տարածքային ամբողջականությանը աջակցելու, «Կամավորների կոալիցիայի» շրջանակներում ծովային անվտանգության ապահովման գործում դեր խաղալու Թուրքիայի պատրաստակամության և Ուկրաինայի էներգետիկ ոլորտին օգնելու ապագա որոշումների համար», – գրել է նա։

Ավելի վաղ Վլադիմիր Զելենսկին հայտարարել էր, որ Ուկրաինայի, Ռուսաստանի և Միացյալ Նահանգների եռակողմ հանդիպումը, որը պետք է տեղի ունենար այս շաբաթ, հետաձգվել է Միացյալ Նահանգների նախաձեռնությամբ։