Վլադիմիր Զելենսկի. Ռուսաստանը շարունակում է ահաբեկչությունը, ՀՕՊ համակարգերը մեզ համար կենսական նշանակություն ունեն, անվտանգությունը կապահովվի, եթե մենք ամեն ինչի շուրջ համաձայնության գանք, հատկապես Վաշինգտոնում
Ռուսաստանի համար ոչինչ չի փոխվել, այն շարունակում է ահաբեկել Ուկրաինան,- ասել է Ուկրաինայի նախագահ Վլադիմիր Զելենսկին։
Ինչպես նշել է Զելենսկին Կրիվոյ Ռոգի վրա հարձակման մասին իր ելույթում, անվտանգության միակ երաշխիքը գործընկերների հետ ձեռք բերված պայմանավորվածությունների իրականացումն է։
«Քաղաքացիական ենթակառուցվածքները թիրախավորող անօդաչու թռչող սարքերի ալիքը ռմբակոծել է Կրիվոյ Ռոգը։ Հայտնաբերվել են նաև հրթիռներ։ Փաստորեն, այս շաբաթների ընթացքում ոչ մի գիշեր չի անցել առանց Ռուսաստանի կողմից Ուկրաինայի վրա հարվածների։ Նպատակակետերի մեծ մասը ենթակառուցվածքներն են։ Համակարգային ահաբեկչություն մեր էներգետիկ ոլորտի դեմ։ Հետևաբար, բոլոր ՀՕՊ համակարգերը կենսական նշանակություն ունեն Ուկրաինայի համար։ Յուրաքանչյուր որոշում, որը կարող է ամրապնդել մեզ, մոտեցնում է պատերազմի ավարտը։ Անվտանգությունը երաշխավորված է, եթե մենք համաձայնության գանք ամեն ինչի շուրջ, հատկապես Վաշինգտոնում», – ասել է Զելենսկին։
Ըստ ուկրաինական լրատվամիջոցների՝ ռուսական զորքերը երեկ ուշ գիշերը լայնածավալ հարձակում են սկսել Կրիվոյ Ռոգի վրա։ Քաղաքային պաշտպանության խորհրդի նախագահ Ալեքսանդր Վիլկուլը հայտնել է տասնյակից ավելի պայթյունների մասին։
