Մեծ սխալ է թույլ տալ ագրեսորին ինչ-որ բան խլել։ Սա մեծ սխալ էր սկզբից՝ սկսած 2014 թվականից և նույնիսկ դրանից առաջ, Վրաստանի շրջանների հարձակման և օկուպացիայի ժամանակ, նույնիսկ Չեչնիայի օկուպացիայից առաջ, լիակատար ավերածություններով և մեկ միլիոն զոհերով՝ թե՛ զոհվածներով, թե՛ վիրավորներով,- գրել է Ուկրաինայի նախագահ Վլադիմիր Զելենսկին սոցիալական ցանցերում։

Զելենսկին նաև նշել է, որ Ռուսաստանի հարևան երկրները չպետք է կրկնեն նույն սխալը, քանի որ Պուտինին չեն կանգնեցնի «համբույրով կամ ծաղիկներով», նա ավելի կուժեղանա և կհարձակվի նրանց վրա։

«Շատ սխալներ են թույլ տրվել։ Ահա թե ինչու ես չեմ ուզում լինել նախագահ, որը կկրկնի իմ նախորդների կամ այլ մարդկանց սխալները։ Ես չեմ խոսում միայն Ուկրաինայի մասին։ Ես խոսում եմ տարբեր երկրների առաջնորդների մասին, ովքեր թույլ տվեցին Ռուսաստանի նման ագրեսիվ երկրին մտնել իրենց տարածք։ Որովհետև Պուտինին չես կարող կանգնեցնել համբույրով կամ ծաղիկներով։ Ես երբեք դա չեմ արել, և այդ պատճառով չեմ կարծում, որ սա ճիշտ ճանապարհն է։ Իմ խորհուրդն է բոլորին՝ մի՛ արեք դա Պուտինի հետ։ Հակառակ դեպքում առաջին քայլը կլինի, և հետո հինգ տարի անց նա կվերականգնի իր բանակը, կավելացնի զինվորների թիվը, նրա բանակը լավ պատրաստված կլինի։ Որովհետև նա կորցրեց շատ լավ պատրաստված մարդկանց։ Նա այժմ ամսական կորցնում է 30-35 հազար մարդ։ Կարո՞ղ եք պատկերացնել սա 21-րդ դարում։ Կարո՞ղ եք պատկերացնել, նա ամսական կորցնում է 35,000 մարդ։ Ես վստահ չեմ, որ նա գիտի դրա մասին», – գրել է Զելենսկին։