Վլադիմիր Զելենսկի. Մենք պայքարում ենք խաղաղության առաջին օրվա համար, հաղթելու ենք
Ուկրաինայի նախագահ Վլադիմիր Զելենսկին ուկրաինացիներին ուղղված տեսաուղերձ է տարածել՝ ռուսական լայնածավալ պատերազմի 51-րդ օրը։
«Instagram» սոցիալական ցանցում հրապարակված տեսանյութում Զելենսկին ասում է, որ Ուկրաինան պայքարում է խաղաղության առաջին օրվա համար։
«Ձեզ առողջություն եմ մաղթում։ Պատերազմի 51-րդ օրը: Մենք պայքարում ենք խաղաղության առաջին օրվա համար։ Հաղթելու ենք»,- ասել է Ուկրաինայի նախագահը։
Ուկրաինայում Ռուսաստանի լայնածավալ միջամտությունը սկսվել է փետրվարի 24-ին։