Ուկրաինան լիովին աջակցում է եվրոպացի առաջնորդների համատեղ հայտարարությանը, որ պատերազմի ավարտը պետք է լինի արդարացի, ասել է Ուկրաինայի նախագահ Վլադիմիր Զելենսկին։

Ըստ Զելենսկու՝ Կիևը «գնահատում և լիովին աջակցում է» եվրոպացի առաջնորդների համատեղ հայտարարությանը Ուկրաինայում խաղաղության հասնելու վերաբերյալ։

«Պատերազմի ավարտը պետք է լինի արդարացի, և ես շնորհակալ եմ բոլոր նրանց, ովքեր այսօր աջակցում են Ուկրաինային և մեր ժողովրդին Ուկրաինայում խաղաղության համար, որը նաև պաշտպանում է մեր եվրոպական երկրների կենսական անվտանգության շահերը։ Ուկրաինան գնահատում և լիովին աջակցում է նախագահ Մակրոնի, վարչապետ Մելոնի, կանցլեր Մերցի, վարչապետ Տուսկի, վարչապետ Սթարմերի, նախագահ Ուրսուլա ֆոն դեր Լեյենի և նախագահ Ստաբսի հայտարարությունը Ուկրաինայի համար խաղաղության վերաբերյալ», – ասել է Զելենսկին։

Տեղեկատվության համար՝ երեկ Մեծ Բրիտանիայում տեղի է ունեցել եվրոպացի առաջնորդների, ԱՄՆ-ի և Ուկրաինայի ներկայացուցիչների հանդիպում։ Հանդիպումից հետո եվրոպացի առաջնորդները համատեղ հայտարարություն են տարածել, որում աջակցություն են հայտնել Ուկրաինային։