Ռուսաստանի նախագահ Վլադիմիր Պուտինն ասում է, որ անցյալ տարվա գարնանը իրեն խնդրել էին դուրս բերել ռուսական զորքերը Կիևից և դա արեց:

«Փաստորեն, այս համաձայնագրի նախագիծը համաձայնեցված էր, բայց Կիևից մեր զորքերի դուրսբերումից հետո։ Մեզ խնդրել են դա անել, որպեսզի պայմաններ ստեղծվեն վերջնական համաձայնագրի կնքման համար, Կիեւի իշխանությունները մերժել են բոլոր նախկին պայմանավորվածությունները»,- ասել է Պուտինը։

Ռուսաստանի նախագահը չի հստակեցրել, թե ով է խնդրել Ռուսաստանին զորքերը դուրս բերել Կիևից։

«Այժմ ես չեմ խոսի այն մանրամասների մասին, թե ինչ ենք պայմանավորվել, հավանաբար դա այնքան էլ կոռեկտ չի լինի»,- ասել է Պուտինը։

Այս մասին Վլադիմիր Պուտինը հայտարարել է Ռուսաստան-Աֆրիկա գագաթնաժողովի ժամանակ։

Ինչպես նշել է Պուտինը, Ուկրաինայում պատերազմը սկսել է Արևմուտքը։

Նրա խոսքով, Արևմուտքը սկսեց Ուկրաինային մտցնել ՆԱՏՕ, մինչդեռ Ռուսաստանի համար Ուկրաինայի չեզոք կարգավիճակը սկզբունքային նշանակություն ուներ։