ԱՄՆ Ազգային անվտանգության խորհրդի խոսնակ. Մենք կոչ ենք անում Վրաստանի խորհրդարանի անդամներին ցուցաբերել խիզախություն և չհաղթահարել նախագահի վետոն
ԱՄՆ Ազգային անվտանգության խորհրդի խոսնակ Ադրիեն Ուոթսոնն սոցիալական ցանցում արձագանքել է Վրաստանի նախագահ Սալոմե Զուրաբիշվիլիի կողմից «Օտարերկրյա ազդեցության թափանցիկության մասին» օրենքի վետոին։
«Ուրախ եմ, որ Վրաստանի նախագահ Սալոմե Զուրաբիշվիլին պաշտպանում է Վրաստանի եվրաատլանտյան ապագան՝ վետո դնելով օտարերկրյա գործակալների մասին օրենքի վրա։ Կոչ ենք անում խորհրդարանի անդամներին ցուցաբերել նույն քաջությունը և չհաղթահարել նրա վետոն»,- գրել է Ադրիեն Ուոթսոնը։
Վրաստանի նախագահ Սալոմե Զուրաբիշվիլին վետո է դրել «Օտարերկրյա ազդեցության թափանցիկության մասին» օրենքի վրա։