Մենք երբեք դեմ չենք եղել Ուկրաինայի ԵՄ անդամակցությանը, Պեկինում Սլովակիայի վարչապետ Ռոբերտ Ֆիցոյի հետ հանդիպման ժամանակ ասել է Ռուսաստանի նախագահ Վլադիմիր Պուտինը։

Պուտինն ասել է, որ Ուկրաինայի անդամակցությունը Հյուսիսատլանտյան դաշինքին հակասում է Ռուսաստանի անվտանգության շահերին։

«Մեր դիրքորոշումն այստեղ հայտնի է, մենք այն անընդունելի ենք համարում։ Իհարկե, սա Ուկրաինայի սեփական որոշումն է, թե ինչպես ապահովել իր սեփական անվտանգությունը։ Սակայն, ինչպես գրված է հիմնարար փաստաթղթերում, այդ թվում՝ մայրցամաքում Եվրոպական անվտանգության մասին օրենքում, դա չի կարող ապահովվել այլ երկրների անվտանգության հաշվին, մասնավորապես՝ Ռուսաստանի Դաշնության հաշվին», – նշել է Պուտինը։

Ռուսաստանի նախագահը նաև ընդգծել է, որ, ի տարբերություն Ուկրաինայի հնարավոր անդամակցության Եվրամիությանը, Ուկրաինայի անդամակցությունը ՆԱՏՕ-ին կսպառնա Ռուսաստանի երկարաժամկետ անվտանգությանը։ Պուտինը նաև նշել է, որ ՆԱՏՕ-ի ընդլայնումը դեպի արևելք ուղղված է ամբողջ հետխորհրդային տարածքի կլանմանը, և Ռուսաստանը պետք է պաշտպանի իր սեփական շահերը։