Ռուսաստանի նախագահ Վլադիմիր Պուտինը հանդիպել է Թուրքիայի նախագահ Ռեջեփ Թայիփ Էրդողանի հետ Չինաստանում՝ Շանհայի համագործակցության կազմակերպության գագաթնաժողովի շրջանակներում և ասել նրան, որ Թուրքիան Ռուսաստանի համար «հուսալի գործընկեր» է։

Հանդիպման ժամանակ Վլադիմիր Պուտինը նշել է, որ «ռուս-թուրքական էներգետիկ գործընկերությունը ռազմավարական բնույթ ունի»։

Ըստ նրա՝ Ռուսաստանը Թուրքիայի բնական գազի հիմնական մատակարարներից մեկն է։ Բացի այդ, Վլադիմիր Պուտինը նշել է, որ շնորհակալություն է հայտնել Թուրքիային Ռուսաստան-Ուկրաինա պատերազմի լուծման ջանքերում ունեցած ներդրման համար։

«Մայիսից ի վեր Ստամբուլում անցկացվել են ռուս-ուկրաինական ուղիղ բանակցությունների երեք փուլ, որոնք նպաստել են մի շարք գործնական մարդասիրական հարցերի շուրջ առաջընթացի», – նշել է Ռուսաստանի նախագահը։

Իր հերթին, Ռեջեփ Թայիփ Էրդողանը նշել է, որ Ստամբուլում կայացած բանակցությունները համարում է պատերազմի խաղաղ կարգավորմանը նպաստող։