Վլադիմիր Պուտին. Վառելիքաէներգետիկ համալիրը ապակայունացնելու արտաքին փորձերից անկախ, ներքին տնտեսական իրավիճակը կայուն է
Ռուսաստանի նախագահ Վլադիմիր Պուտինը հայտարարել է, որ չնայած շուկայում վառելիքի հետ կապված խնդիրներին, երկրի տնտեսությունը մնում է կայուն։ Պուտինը այս մասին ասել է կառավարության անդամների հետ տնտեսական հարցերի շուրջ հանդիպման ժամանակ։
Նա ասել է, որ վառելիքի ոլորտում առկա դժվարությունները ժամանակավոր են և չեն ազդի ընդհանուր տնտեսական դինամիկայի վրա։
«Վառելիքաէներգետիկ համալիրը ապակայունացնելու արտաքին փորձերից անկախ, ներքին տնտեսության, դրա հիմնական ոլորտների վիճակը կայուն է։ Վառելիքի ոլորտում ստեղծված դժվարությունները ժամանակավոր են և չեն ազդի ընդհանուր տնտեսական դինամիկայի վրա», – ասել է Պուտինը։