Վլադիմիր Պուտին – Հավաքական Արևմուտքի ռուսաֆոբ մասը պայքարում է Ռուսաստանի դեմ, բայց երկիրը դեռևս առաջ է շարժվում և հաջողությունների է հասնում

Հավաքական Արևմուտքի ռուսաֆոբ մասը պայքարում է Ռուսաստանի դեմ, բայց երկիրը դեռևս առաջ է շարժվում և հաջողությունների է հասնում,- այս մասին հայտարարել է Ռուսաստանի նախագահ Վլադիմիր Պուտինը «Ժողովրդական ճակատ» ֆորումում իր ելույթում՝ «Ամեն ինչ հաղթանակի համար»։

«Մարդիկ հաճախ հարցնում են, թե ինչպես է պատահում, որ այսպես կոչված հավաքական Արևմուտքի ամբողջ ռուսաֆոբ, ագրեսիվ մասը պայքարում է մեզ դեմ, մինչդեռ մենք զարգացնում ենք տնտեսությունը, ամրապնդում մեր ֆինանսները, կատարելագործում մեր զինված ուժերը, նոր արդյունքների ենք հասնում ռազմաարդյունաբերական համալիրի ոլորտում և առաջ ենք շարժվում։ Մեր տղաները, մեր մարտիկները առաջ են շարժվում», – ասել է Վլադիմիր Պուտինը։

Բացի այդ, ըստ նրա, այս արդյունքները մասամբ պայմանավորված են «Ժողովրդական ճակատի» աշխատանքով, որը միավորել է երկրի ավելի քան 20 միլիոն քաղաքացիների։