Վլադիմեր Բոժաձե. Միակ բանը, որ վնասում է Սաակաշվիլիին, չորս պատերն ու վրացական օդն են
Հարգելի գործընկերներ, ձեր փոխարեն խոսակցական բառարանից կհանեի բանտ, խոշտանգում, անմարդկային վերաբերմունք, տեռոր և այլն բառերը,- Թբիլիսիի քաղաքային խորհրդի նիստում «Միացյալ ազգային շարժում» կուսակցության անդամներին ասել է Թբիլիսիի քաղաքային խորհրդի անդամ Վլադիմեր Բոժաձեն։
«Հիմք ընդունելով երեկ հանրության տեսած կադրերը՝ ի՞նչ եք վիճում Վրաստանի իշխանության հետ։ Որ Միխեիլ Սաակաշվիլին սանրելու մազ ունի՞, թե՞ մորուք ունի սափրելու։ Օրենքի հիման վրա նշեք, թե ինչ է գրված բանտարկյալի ախտորոշման մեջ, որը նախատեսում է ազատ արձակել կամ պատիժը հետաձգել»,- նիստում ասել է Վլադիմիր Բոժաձեն։
Նրա խոսքով՝ Միխեիլ Սաակաշվիլին իր տասնհինգ ամսվա ազատազրկման կեսը կրել է երկու սենյականոց «լյուքսում», և նա այսօր ամենաթանկ բանտարկյալն է։
«Ի՞նչ եք վիճում մեզ հետ: 24-ժամյա բժշկական հսկողությո՞ւն: Դեմենցիա ունեցող մարդը պետք է լավ խոսի ուկրաիներեն, իսկ վրացերեն, ո՞չ: Ձեր սիրելի բժիշկները թաքցնում են ախտորոշումը, ձեր իրավաբանները թաքցնում են։ Միակ բանը, որ վնասում է Սաակաշվիլիին, չորս պատերն ու վրացական օդն են»,- հանդիպմանը ասել է Վլադիմեր Բոժաձեն։