Ազգային վիճակագրական ծառայության տվյալներով՝ 2024 թվականի նոյեմբերին շինարարության արժեքի ցուցանիշը նախորդ ամսվա համեմատ նվազել է 0,4 տոկոսով։

Ըստ Վիճակագրության ծառայության նշված փոփոխությունը հիմնականում պայմանավորված է շինարարության ոլորտում վարձու աշխատողների միջին ամսական անվանական աշխատավարձի 2,7 տոկոս նվազմամբ, ինչը ընդհանուր ցուցանիշի փոփոխությանը նպաստել է -0,53 տոկոսային կետով։

«Նախորդ տարվա համապատասխան ամսվա համեմատ շինարարության արժեքի ցուցանիշն աճել է 5,5 տոկոսով։ Ցուցանիշի աճն առավելապես պայմանավորված է շինարարության ոլորտով
Վարձու աշխատողների միջին ամսական անվանական աշխատավարձի 24,8 տոկոսով և շինանյութի գնի 3,0 տոկոս աճով, ինչը համապատասխանաբար նպաստել է ընդհանուր ցուցանիշի փոփոխությանը 3,82 և 1,81 տոկոսային կետով։ Բացի այդ, 2022 թվականի փետրվարի համեմատ շինարարության արժեքի ինդեքսն աճել է 19,6 տոկոսով»,- նշվում է Վիճակագրության ծառայության հրապարակած տեղեկատվության մեջ։