Բորիս Պայճաձեի անվան «Դինամո արենայում» 2022 թվականի Աշխարհի առաջնության ընտրական փուլի երկրորդ հանդիպմանը, ներկա են գտնվել Վրաստանի տարածքային ամբողջականության համար մղված մարտերում և միջազգային առաքելություններում վիրավոր և տուժած զինծառայողները:

Վրաստանի պաշտպանության նախարարության մամուլի ծառայության փոխանցմամբ, ֆուտբոլային հանդիպմանը ներկա է գտնվել նաև Աֆղանստանում առաքելության ընթացքում վիրավորված զինծառայող Զաուր Կոմախիձեն, որը Պաշտպանության նախարարության աջակցությամբ Ստամբուլում հաջող վիրահատության է ենթարկվել և կարողացել է երկու տարվա ընթացքում առաջին անգամ քայլել:

Նրանց խոսքով, Վրաստանի պաշտպանության նախարար Ջուանշեր Բուրճուլաձեն նույնպես ներկա է գտնվել Վրաստանի և Իսպանիայի ազգային հավաքականների հանդիպմանը: Առաջին կեսի ավարտին նախարարը այցելեց վիրավոր զինծառայողներին և լուսանկարվեց նրանց հետ:

Վրաստանի և Իսպանիայի ազգային հավաքականների հանդիպումն ավարտվեց Իսպանիայի հաղթանակով ՝ 1-2: Վրաստանի հավաքականը մարտի 31-ին Սալոնիկում հերթական հանդիպումը կանցկացնի Հունաստանի հավաքականի հետ: