Հունգարիայի վարչապետ Վիկտոր Օրբանը քննադատում է Եվրամիությանը՝ ԱՄՆ-ի հետ կնքված առևտրային համաձայնագրի համար։

Հունգարիայի կառավարության ղեկավարի խոսքով՝ Եվրամիությունը մի քանի սխալ է թույլ տվել, որոնցից առաջինը սխալ ժամանակն էր։

Օրբանի հայտարարությամբ՝ երբ Դոնալդ Թրամփը եկավ իշխանության, Եվրոպայում նրան լուրջ չվերաբերվեցին և չհավատացին նրա խոստմանը՝ վերակառուցելու գլոբալ տնտեսությունը։

«Լավ գործարք կնքելու համար պետք է ճիշտ ժամանակ, և առաջարկի բովանդակությունն էլ վճռորոշ է։ Նույնպես կարևոր է, եթե սեղանին մեկից ավելի առաջարկ կա։ Ի՞նչ է տեղի ունենում։ Ամերիկայի նախագահը ճշգրտորեն կատարում է իր ընտրողների համար տված խոստումները։ Կարևոր է, որ ձեռք բերվեն այնպիսի համաձայնագրեր, որոնց կատարումը իրականում հնարավոր կլինի։ Ինչը հնարավոր էր փչացնել այս գործարքում մասնագիտական տեսանկյունից՝ ամեն ինչ փչացվեց», – հայտարարել է Վիկտոր Օրբանը։