Հունգարիայի վարչապետ Վիկտոր Օրբանը հայտարարել է, որ Վաշինգտոնի հետ համաձայնության է եկել «ֆինանսական վահանի» վերաբերյալ, որը կպաշտպանի երկրի տնտեսությունը և հանրային ֆինանսները։

Օրբանը այս մասին խոսել է Դոնալդ Թրամփի հետ հանդիպումից հետո։

«Ես համաձայնության եմ եկել ԱՄՆ նախագահի հետ ֆինանսական վահանի վերաբերյալ։ Եթե Հունգարիայի կամ նրա ֆինանսական համակարգի դեմ որևէ արտաքին հարձակում լինի, ամերիկացիները ինձ խոստացել են, որ նման դեպքում կպաշտպանեն Հունգարիայի ֆինանսական կայունությունը», – ասել է Օրբանը։

Հունգարիայի վարչապետը չի մանրամասնել, թե ինչ է ենթադրում Դոնալդ Թրամփի հետ համաձայնագիրը, սակայն Օրբանն ասել է, որ Հունգարիան ֆինանսավորման խնդիրներ չի ունենա։

«Այն միտքը, որ Հունգարիան կամ նրա արժույթը կարող են հարձակման ենթարկվել, կամ որ Հունգարիայի բյուջեն կարող է դժվարին իրավիճակում հայտնվել, նրանք պետք է մոռանան դրա մասին», – ասել է Օրբանը։