Հունգարիայի վարչապետ Վիկտոր Օրբանը մեղադրել է Լեհաստանի վարչապետ Դոնալդ Տուսկին միլիոնավոր եվրոպացիների կյանքի հետ վտանգավոր խաղ խաղալու մեջ, գրել է Օրբանը սոցիալական ցանցերում։

Հունգարիայի առաջնորդը քննադատել է Դոնալդ Տուսկի հայտարարությունն այն մասին, որ Ուկրաինայում պատերազմը «մեր պատերազմն» է։

«Հարգելի Դոնալդ Տուսկ, դուք կարող եք մտածել, որ պատերազմի մեջ եք Ռուսաստանի հետ, բայց Հունգարիան այդպիսին չէ։ Եվրոպական Միությունը նույնպես։ Դուք վտանգավոր խաղ եք խաղում միլիոնավոր եվրոպացիների կյանքի և անվտանգության հետ։ Սա շատ վատ է», – գրել է Օրբանը։

Ավելի վաղ Դոնալդ Տուսկը, ելույթ ունենալով Վարշավայի անվտանգության գագաթնաժողովում, կոչ էր արել Արևմուտքին հասկանալ, որ Ուկրաինայում պատերազմը ուրիշի հակամարտությունը չէ, այլ «մեր պատերազմը»։