Վիկտոր Օրբան – Եվրամիությունն արդեն փլուզվել է, եվրոպացի առաջնորդները, որոնք ապացուցել են, որ լիլիպուտներ են, միասին Եվրամիությունը վերածել են սնանկացած դաշինքի
Հունգարիայի վարչապետ Վիկտոր Օրբանն ասում է, որ Եվրամիությունն արդեն փլուզվել է։
Ըստ Օրբանի՝ այն Եվրոպան, որը նրանք ճանաչում և սիրում էին, ավարտվել է։
«Եվրամիությունն արդեն փլուզվել է։ Ֆինանսական ճգնաժամի, միգրացիայի, պատերազմի և հսկայական խնդիրների ստվերում եվրոպացի առաջնորդները, որոնք ապացուցել են իրենց լիլիպուտ լինելը, միասին ԵՄ-ն վերածել են սնանկացած դաշինքի։ Պարտքերի լեռներ, միգրանտների զանգվածներ, փողոցային բռնություն, պատերազմի անընդհատ մթնող ստվերներ, զանգվածային կրճատումներ, կոմունալ վճարների կտրուկ աճ, սնանկացած ընտանիքներ և Բրյուսելի բյուրոկրատներ, որոնք վազվզում են վախեցած հավերի պես, ինչպես անսարք GPS, որը երբեք չի հասնում իր նպատակակետին», – ասել է Օրբանը։
Հունգարիայի վարչապետը նաև նշում է, որ հիմա ժամանակն է քաջություն ցուցաբերելու։