Սա պատերազմ չէ Ուկրաինայի և Ռուսաստանի միջև, սա պատերազմ է Արևմուտքի և Ռուսաստանի միջև,- ասել է Հունգարիայի վարչապետ Վիկտոր Օրբանը։

Հունգարիայի կառավարության ղեկավարի խոսքով՝ մինչև ԱՄՆ-ի և Ռուսաստանի առաջնորդների միջև ուղիղ հանդիպում չանցկացվի, հրադադարի հնարավորություն չկա։

Բացի այդ, խոսելով Ուկրաինայի նախագահ Վոլոդիմիր Զելենսկու մասին, Վիկտոր Օրբանը նշել է, որ Զելենսկին ուկրաինացի ժողովրդի կողմից ընտրված նախագահն է։

«Ես միշտ փորձում եմ ճիշտ բան անել, ինչը անհրաժեշտ է, եթե մենք ցանկանում ենք լավ հարաբերություններ: Հետևաբար, ես հարգում եմ նախագահ Զելենսկուն, բայց կարծում եմ, որ նա սխալներ է թույլ տվել: Դրանցից մեկը մեկ տարի առաջ խաղաղություն հաստատելու իմ առաջարկը մերժելն էր, քանի որ որքան երկար տևի, այնքան բարձր կլինի գինը: Այնուհետև նա ինձ վստահեցրեց, որ այս պատերազմում ժամանակն իր երկրի կողմն է: Նա մերժեց իմ մեկնաբանությունը, որ ժամանակը Ռուսաստանի կողմն է, բայց ահա մենք այսօր այստեղ ենք: Նախագահ Զելենսկու իրավիճակը հեշտ չէ: Շատ դժվար է միավորել մի ազգ, որը գտնվում է անհույս պատերազմի մեջ», – նշեց Վիկտոր Օրբանը։