«Եթե ԱՄՆ-ն և Ռուսաստանը համարեն, որ իրենց միջև խաղաղության գագաթնաժողով է անհրաժեշտ, Բուդապեշտը կրկին հաճույքով կհյուրընկալի այդ հանդիպումը», – այս մասին հայտարարել է Հունգարիայի վարչապետ Վիկտոր Օրբանը։

Հունգարիայի կառավարության ղեկավարի հայտարարությամբ՝ եվրոպական ռազմավարությունը ձախողվել է։

«Քանի որ Միացյալ Նահանգները պաշտպանում էր այս պատերազմը նախքան նախագահ Թրամփը, ԱՄՆ-ի ներկայիս դիրքորոշումը, որն ակնհայտորեն խաղաղության կողմնակից է, մեզ համար առանձնահատուկ արժեքավոր է։ Ուստի, երբ ամերիկացի և հունգարացի քաղաքական գործիչները հանդիպում են միմյանց, նրանք չեն կարող չխոսել ռուս-ուկրաինական պատերազմի մասին», – նշել է Վիկտոր Օրբանը։

Վիկտոր Օրբանի խոսքով՝ Ուկրաինայի վիճակն այժմ բարդ է, և նա կարծում է, որ դա ուկրաինացիների «վաստակն է»։ Օրբանի ասելով՝ ընտրություններում հաղթելու դեպքում նա աստիճանաբար կվերացնի Ուկրաինայի կողմից սահմանված շրջափակումը, որը կապված է «Դրուժբա» նավթամուղի հետ։