Վիկտոր Օրբան. Մեր ընդդիմադիրները համագործակցում են օտարերկրյա հատուկ ծառայությունների հետ, սպառնում են մեր աջակիցներին, հորինված մեղադրանքներով խոսում են ընտրությունների կեղծման մասին
«Մեր հակառակորդները իշխանությունը զավթելու նպատակով ոչ մի բանի առջև կանգ չեն առնի», – այս մասին հայտարարել է Հունգարիայի վարչապետ Վիկտոր Օրբանը:
Վիկտոր Օրբանի խոսքով՝ իր ընդդիմախոսները համագործակցում են օտարերկրյա հատուկ ծառայությունների հետ և բռնությամբ սպառնում իշխանության կողմնակիցներին:
«Մեր ընդդիմախոսները իշխանությունը զավթելու նպատակով ոչ մի բանի առջև կանգ չեն առնի: Նրանք համագործակցում են օտարերկրյա հատուկ ծառայությունների հետ, սպառնում են բռնությամբ մեր կողմնակիցներին և նույնիսկ ընտրություններից առաջ շինծու մեղադրանքներով խոսում են ընտրակեղծիքների մասին: Նրանք դեռևս մինչև ձեր ձայների հաշվարկը ցույցեր ու անկարգություններ են կազմակերպում: Եկեք հստակ ասենք. սա կազմակերպված փորձ է՝ քաոսի, ճնշման և միջազգային վարկաբեկման ճանապարհով կասկածի տակ դնելու հունգար ժողովրդի որոշումը», – հայտարարել է Հունգարիայի վարչապետը: