Վիկտոր Օրբան. Մեր առջև ընտրություն է, թե ով կձևավորի Հունգարիայի կառավարությունը՝ Զելենսկին, թե ես. եթե լինի կառավարություն, որը կպաշտպանի ուկրաինացիների շահերը, Հունգարիայի գումարները կգնան Ուկրաինա
Հունգարիայի վարչապետ Վիկտոր Օրբանը նախընտրական հանրահավաքի ժամանակ ընդդիմությանը հիշատակել է որպես Ուկրաինայի շահերի սպասարկու։
«Ես պատշաճ համեստությամբ եմ ասում, որ մեր առջև իրական ընտրություն է, թե ով կձևավորի կառավարությունը՝ Զելենսկին, թե ես։ Այս երկուսից դուք պետք է ընտրեք ինձ»,- հայտարարել է Օրբանը։
Վիկտոր Օրբանի խոսքով՝ ընտրություններում ընդդիմության հաղթանակի դեպքում Հունգարիայի գումարները կուղարկվեն Ուկրաինա։
«Եթե Հունգարիան ունենա կառավարություն, որը հունգարացիների փոխարեն կպաշտպանի ուկրաինացիների շահերը, Հունգարիայի գումարները կգնան Ուկրաինա»,- հայտարարել է Հունգարիայի վարչապետը։
Ի գիտություն՝ Հունգարիայում խորհրդարանական ընտրությունները կկայանան ապրիլի 12-ին։
